Plan for the worst. Hope for the best.
呢個病情會點樣發展，我唔知。好多人都唔知。專家佢地都唔統一。有啲專家覺得呢個肺炎會有得醫，唔會成為災難。雖然有啲希望，但係我地都唔好當只有呢一個方案。
係時候諗諗，如果病疫爆發：• 點樣確保鄰居尤其老人家嘅健康同埋日常需要
• 點樣照顧醫護人士同埋佢地家人
• 點樣保持物流，同時保護各位有關嘅人士；司機、搬貨、收貨、收錢。市民會需要如常買到食物、家庭用品、藥、等等
• 點樣保持水、電、煤氣、石油氣、網上服務、電話等等供應
• 點樣處置垃圾
• 點樣喺買必需品嘅時候盡量減少人與人嘅接觸。可能有日，口罩、酒精已經無晒。
唔好預會有人幫我地安排。世事難料，好多嘢可以變得好快。自己同埋朋友、鄰居、社區人士諗定先。只有大家一齊合作，互相照顧，我地先可以克服到咁大嘅挑戰。呢個係香港人嘅優點。我地會為大家著想。
我希望其他病疫地區嘅人都可以做到呢樣嘢。內地死咗咁多人，我好心痛。我唔理你係邊度嘅人，我都唔想見到你出事。
大家都要共度難關。