天氣凍咗，亦有啲風。我哋嘅田未種嘢但係要保護啲泥同埋泥入邊嘅生態系統，所以塊田清理好之後就擺放咗隔光嘅防草布。呢啲布有時會被風吹起，所以前日我冒著冷雨落去塊田睇睇個情況。果然真係有一條布吹起咗。好彩我落咗去啫。
我哋買咗幾個溫度計。對種菜，溫度計係個好重要嘅工具。其中一個放咗喺塊田嗰度。呢個溫度計無電子（最好）亦可以記低上次㩒制後到而家最高同埋最低嘅溫度。今次望一望，竟然只有11度！哈哈。好爽！
前幾日落去嘅時候發現咗曾經有個來賓嚟過。睇唔睇到啲腳印？腳印嘅深度都唔算少，個豬豬應該唔細㗎。
好啦。係咁先。我今日要研究喺屋企種啲咩種子，等3、4個星期後，塊田完全準備好而啲種子已經變成菜苗嘅時候就可以種落土。👏🏻👏🏻
#河夫子農坊 #伴你種菜 #大家有飯食
#共勉之 #communitiesSurvive
